លោក Guy Kawasaki ត្រូវបានមនុស្សជាច្រើនមើលច្រឡំនឹងលោក Jackie Chan ឬថាលោកជាតារាក្បាច់គុនកុងហ្វូ។ តែតាមពិតលោកជាអ្នកនិពន្ធដ៏ល្បីល្បាញ ថ្មីៗនេះលោកទើបតែចេញសៀវភៅពាណិជ្ជកម្មមួយក្បាលដែលមានចំណងជើងថា The Art of the Start 2.0: The Time-Tested, Battle-Hardened Guide for Anyone Starting Anything។
ហើយលោកបានផ្ដល់បទសម្ភាសន៍ពិសេសមួយ ដែលស្រង់យកអត្ថន័យនៃសៀវភៅ មកបង្ហាញដោយសង្ខេបត្រឹម៦ចំណុចដូចខាងក្រោម៖
១៖ អនុវត្ត អនុវត្ត អនុវត្ត
ក្នុងនាមជាសហគ្រិន យើងត្រូវធ្វើបទបង្ហាញអោយបានទៀតទាត់។ កុំនិយាយដោយគ្មានការអនុវត្តជាដាច់ខាត។ លោកបានលើកស្ថាបនិក Apple មកធ្វើជាឧទាហរណ៍ ថាតើលោក Steve Jobs បានចំណាយពេលវេលាច្រើនយ៉ាងណាដើម្បីបញ្ជាក់ថា ការបង្ហាញគំនិតរបស់លោកពិតជាល្អឥតខ្ចោះ។ លោក Guy និយាយថា ពេលនោះក្រុមការងារគិតថា លោក Jobs គ្រាន់តែឡើងទៅនិយាយពីអ្វីដែលមិនអាចធ្វើទៅបាន តែតាមការពិតអ្នកដឹងច្បាស់ហើយថា គំនិតរបស់ស្ថាបនិករូបនេះគឺជាអ្វីដែលអាចយកមកអនុវត្តបាន ឬមិនបាន។
ប្រសិនបើអ្នកចង់ជោគជ័យដូចលោក Steve Jobs អ្នកត្រូវតែអនុវត្ត អនុវត្តអោយខ្លាំង។
២៖ យុវជនអាចជាកម្លាំង
អាយុរបស់អ្នកមិនមែនជាបញ្ហាទេ។ អ្នកអាចផ្ដួលដៃគូប្រកួតប្រជែងដែលមានបទពិសោធន៍លើសលប់។ គិតដល់ហ្គេមនៃ Software សម្រាប់ការឌីហ្សាញអោយ Millennials។ ក្មេងអាយុ២៥ឆ្នាំបង្កើត Software អោយ Millennials ហាក់ទទួលបានជោគជ័យជាងមនុស្សអាយុ៦០ឆ្នាំ។
លោក Kawasaki ណែនាំអោយគិតតាមរបៀបនេះ “ខ្ញុំចង់ប្រើផលិតផលបែបនេះ ហើយគ្មានផលិតផលណាដូចនេះទេ ដូច្នេះហើយខ្ញុំសម្រេចចិត្តបង្កើតវា។”
៣៖ និយាយពីផលិតផលរបស់អ្នក
ការរៀបរាប់ពីផលិតផលនឹងធ្វើអោយអតិថិជនយល់ពីផលិតផលរបស់អ្នក តើអ្នកអាចដឹងបានដោយរបៀបណាថា ទីផ្សារនឹងត្រូវការផលិតផលរបស់អ្នក? ហេតុអ្វីអ្នកបង្កើតផលិតផលនេះ?
៤៖ ត្រៀមខ្លួនប្រយុទ្ធជាមួយអ្នកឈានមុខនៅក្នុងទីផ្សារ
ពេលដែលអ្នកចាប់ផ្ដើមបង្កើតអ្វីមួយ អ្នកត្រូវទទួលស្គាល់ផលិតផល ឬស្ថាប័នដែលកំពុងតែឈានមុខនៅក្នុងផ្នែកនេះ។ អ្នកក៏ត្រូវតែអាចពន្យល់ទីផ្សារបានផងដែរថា តើអ្វីទៅធ្វើអោយអ្នកខុសប្លែកពីគេ។ យើងសាកស្រមៃថា ប្រសិនបើ Toyota និយាយថា “យើងសូមណែនាំ Lexus។ នេះគឺជារថយន្តប្រណិតបំផុតនៅក្នុងឧស្សាហកម្មរថយន្ត។” មនុស្សនឹងនិយាយថា “តើអ្នកធ្លាប់ឮឈ្មោះ BMW និង Mercedes ទេ? អ្នកចង់ប្រាប់ខ្ញុំថា គ្មានរថយន្តប្រណិតផ្សេងទៀត?”
លោក Kawasaki និយាយថា ព្រោះតែហេតុនោះហើយទើប Lexus ប្រើឃ្លានេះ “យើងមានគុណភាពល្អដូចជា Marcedes និង BMW ដែរ ប៉ុន្តែតម្លៃរបស់ពួកយើងត្រឹមតែពាក់កណ្ដាលគេប៉ុណ្ណោះ។”
៥៖ ស្វែងរកហេតុផលរបស់អ្នក
ហេតុផលនៃការចាប់ផ្ដើមជំនួញរបស់អ្នកគឺជាអ្វីដែលនឹងលើកទឹកចិត្តអ្នក។ លោក Kawasaki ដែលជាមនុស្សមានគោលបំណងជំរុញសក្ដានុពលមនុស្សនោះបាននិយាយថា “ហេតុផលគឺសាមញ្ញសម្រាប់ខ្ញុំ ខ្ញុំមានកូន៤នាក់ ខ្ញុំត្រូវចំណាយច្រើន។“
ស្វែងរកហេតុផលរបស់អ្នកអោយឃើញ ដូច្នេះអ្នកនឹងពុះកញ្ជ្រោលដើម្បីស្ទុះទៅអោយដល់កំពូល។
៦៖ ការអនុវត្តល្អ ចាប់ផ្ដើមជាមួយនឹងផលិតផលល្អ
ក្រៅពីកម្លាំងចិត្តដើម្បីជំរុញផលិតផលអោយជោគជ័យនៅក្នុងទីផ្សារ ជាការពិតសហគ្រិនត្រូវការផលិតផលល្អ។ ឧទាហរណ៍ដូចជាសៀវភៅរបស់លោក Kawasaki ត្រូវបានទទួលស្គាល់ដោយអ្នកដឹកនាំជោគជ័យដូចជា Richard Brandson និង Arianna Huffington។ ប៉ុន្តែវាទាមទារពេលវេលាដើម្បីបង្កើតផលិតផលដ៏ល្អមួយដែលអាចទាក់ទាញទីផ្សារដែលមានសក្ដានុពល។
អ្នកមិនត្រូវវាយតម្លៃផលិតផលរបស់អ្នកដោយផ្អែកលើទីផ្សារដែលមានសក្ដានុពលខ្លាំងតែមួយមុខនោះទេ ការពិនិត្យមើលផលិតផលឡើងវិញដោយផ្អែកលើទីផ្សារដែលមានសក្ដានុពលមធ្យមក៏សំខាន់ដែរ។ លោក Kawasaki និយាយថា មនុស្សមិនរង់ចាំដល់ Wall Street Journal ចេញអត្ថបទពី iPhone ទើបពួកគេសម្រេចចិត្តនោះទេ។ មនុស្សអានព័ត៌មានអនឡាញ ហើយពួកគេធ្វើការសម្រេចចិត្តថាតើ ត្រូវទិញផលិតផលឬយ៉ាងណា។
ក្នុងនាមជាប្រធានក្រុមហ៊ុនឌីហ្សាញរូបភាព លោក Kawasaki បាននិយាយថា លោកខ្លួនឯងចង់ល្បីជាង Jackie Chan។
ប្រភព៖ Entrepreneur
ថ្ងៃល្អ ,
ReplyDeleteតើអ្នកកំពុងស្វែងរកប្រាក់កម្ចីស្វែងរកប្រាក់កម្ចីសាជីវកម្មផ្ទាល់ខ្លួន
កម្ចី, កម្ចីទិញផ្ទះ, ឥណទានរថយន្ត, ឥណទាននិស្សិត, ឥណទានរួម,
ប្រាក់កម្ចីគ្មានប្រាក់កម្ចីដើមទុនបណ្តាក់ទុនជាដើម។ តើអ្នកមានប្រាក់កម្ចីពីធនាគារឬហិរញ្ញវត្ថុ
ការបដិសេធចំពោះមូលហេតុមួយឬច្រើន។ អ្នកស្ថិតនៅកន្លែងដែលត្រឹមត្រូវដើម្បីទទួលបាន
ដំណោះស្រាយប្រាក់កម្ចី! ខ្ញុំជាអ្នកផ្តល់ប្រាក់ឯកជនខ្ញុំផ្តល់ប្រាក់កម្ចីដល់ក្រុមហ៊ុននិង
បុគ្គលដែលមានអត្រាការប្រាក់ទាបនិងអត្រាការប្រាក់ទាប 2% ។
ទាក់ទងមកយើងខ្ញុំតាមអ៊ីម៉ែល: albakerloanfirm@gmail.com