ពេលប្តូរទៅរស់នៅកន្លែងថ្មី ស្រ្តីម្នាក់អង្គុយក្នុងផ្ទះសំឡឹងមើលជញ្ជាំង និងគិតថាខ្លួនគេចូលចិត្តស្នាដៃសិល្បៈ ហើយពិតជាត្រូវចំណាយកម្លាំងកាយចិត្ត និងពេលវេលាច្រើនដើម្បីស្វែងរកស្នាដៃសិល្បៈដែលខ្លួនចូលចិត្តនៅកន្លែងថ្មីបែបនេះ។ បើគេចង់ស្វែងរកអាហារ ភ្លេង សម្លៀកបំពាក់ និងខ្សែភាពយន្ត គេគ្រាន់តែប្រើប្រាស់កម្មវិធីភ្ជាប់អ៊ីនថឺណិតលើទូរសព្ទដៃ ឬកុំព្យូទ័រ គេអាចរកបានយ៉ាងងាយ។ ផ្តើមចេញពីគំនិតបែបនេះហើយ លោកស្រី Tara Reed ក៏បានបង្កើតកម្មវិធីមួយឈ្មោះ Kollecto ដើម្បីបំពេញកង្វះខាត។
តាមពិតលោកស្រី Tara Reed មិនចេះកម្មវិធីកូដអ្វីទេ ដោយគ្រាន់តែប្រើប្រាស់កម្មវិធីដែលមានស្រាប់ជាច្រើនបញ្ចូលគ្នាដើម្បីបង្កើតមធ្យោបាយងាយស្រួលជាងមុនក្នុងការទិញវត្ថុដែលពិបាករក។ ម្ចាស់កម្មវិធីដែលមិនមានជំនាញខាងបច្ចេកវិទ្យារូបនេះរៀបរាប់ថាដំបូងឡើយគេគិតថាគ្រាន់តែធ្វើខ្លួនជាអ្នកផ្តល់ប្រឹក្សាខាងស្នាដៃសិល្បៈតាមរយៈការជជែកកម្សាន្តក្នុងកម្មវិធីនោះទេ ប៉ុន្តែវាជារឿងដែលលោកស្រីមិននឹកស្មានដល់ថា មានអ្នកគាំទ្រកាន់តែច្រើនឡើងៗ។
រឿងរ៉ាវជោគជ័យរបស់កម្មវិធី Kollecto កាន់តែល្បីខ្លាំងឡើងថែមទៀតនៅពេលម្ចាស់កម្មវិធីនេះចូលរួមបកស្រាយក្នុងកម្មវិធីសិក្សាសាលា TEDx talk ស្តីពីការជួយសហគ្រិនផ្សេងទៀតឱ្យបង្កើតកម្មវិធីដោយមិនបាច់ចេះសរសេរកូដ។ គន្លឹះជោគជ័យស្ថិតនៅត្រង់ថាពេលមិនចេះសរសេរកូដ លោកអ្នកអាចមានពេលប្រឹងប្រែងលើផ្នែកផ្សេងទៀតដែលជំរុញឱ្យការងារកាន់តែទៅមុខយ៉ាងលឿន និងមិនត្រូវខ្លាចកែប្រែអ្វីនោះទេ៕
ប្រភព ៖ Entrepreneur
0 comments:
Post a Comment