លោក Sam Ovens ក្រោយបញ្ចប់ការសិក្សាថ្នាក់បញ្ញាបត្របានចូលធ្វើការជាលើកទីមួយក្នុងជីវិត ប៉ុន្តែការងារនេះមានអាយុត្រឹម៣ខែប៉ុណ្ណោះ ដោយលោកបានទៅជួយការងារក្នុងហ្គារ៉ាសឡានរបស់ឪពុកម្ដាយដើម្បីចាប់ផ្ដើមជំនួញទីមួយរបស់លោក។
ក្រោយពីការប្រឹងប្រែងរយៈ និងចំណាយលុយទាំងអស់ដែលលោកមានត្រឹមរយៈពេល៩ខែ Ovens ជំនួញរបស់លោកបានដួលរលំ ហើយលោកបានបើកដំណើរការជំនួញថ្មីពីរលើកទៀតដែលសុទ្ធតែត្រូវដួលរលំទាំងអស់។
ជាជាងការលះបង់ ហើយត្រលប់ទៅធ្វើការនៅការិយាល័យក្រុមហ៊ុនធំៗរបស់គេក្រោយពីបរាជ័យក្នុងជីវិត លោក Ovens បានប្រើបទពិសោធន៍ជាឱកាសត្រូវរៀន។ ហេតុអ្វីគំនិតដ៏ល្អរបស់លោកមិនអាចទាក់ទាញអ្នកប្រើប្រាស់បាន? តើលោកបានធ្វើអ្វីខុស? តើលោកបានធ្វើអ្វីត្រូវ?
ការវាយតម្លៃលើខ្លួនឯង និងឆន្ទៈរបស់លោកដើម្បីរៀន និងលូតលាស់នេះ បានធ្វើអោយ Ovens សាកល្បងជីវិតសហគ្រិនម្ដងទៀត ដោយចាប់ផ្ដើមដំណើរការក្រុមហ៊ុនទីបួន ជាក្រុមហ៊ុនប្រឹក្សាធុរកិច្ច។
ការប្រឹងប្រែងលើកនេះគឺទទួលបានផ្លែផ្កា។ នៅត្រឹមអាយុ២៦ឆ្នាំ គឺបួនឆ្នាំក្រោយពីបើកដំណើការក្រុមហ៊ុនប្រឹក្សាធុរកិច្ចរបស់លោក Ovens រកចំណូលបាន១០លានដុល្លារ។
ថ្មីៗនេះអ្នកសារព័ត៌មានបានសម្ភាសន៍លោកដើម្បីដឹងពីការណែនាំដែលលោកត្រូវចែករំលែកជាមួយសហគ្រិនដ៏ទៃទៀត។ ខាងក្រោមនេះគឺជាគន្លឹះសំខាន់បួនដែលលោក Ovens ចែករំលែក៖
១៖ កសាងកេរ្ដិ៍ឈ្មោះរបស់អ្នកអោយបានលឿន
កសាងកេរ្ដិ៍ឈ្មោះផ្ទាល់ខ្លួនមានប្រយោជន៍ច្រើនណាស់សម្រាប់សហគ្រិន។
“ប្រសិនបើមនុស្សស្គាល់ និងទុកចិត្តអ្នក និងកេរ្ដិ៍ឈ្មោះរបស់អ្នក ពួកគេច្រើនទុកចិត្តលើពាណិជ្ជកម្មថ្មីរបស់អ្នក”។ លោក Ovens និយាយ។
ពង្រីកចំនួនអ្នកគាំទ្រ ឬស្គាល់អ្នកអោយកាន់តែទូលំទូលាយ មួយថ្ងៃៗអ្នកត្រូវធ្វើអ្វីអោយមនុស្សថ្មីឃើញជានិច្ច។
លោក Ovens ណែនាំឲ្យ កសាងកេរ្ដិ៍ឈ្មោះរបស់អ្នកតាមការនិយាយក្នុងវេទិកាសាធារណៈ ដើម្បីខ្លួនអ្នកនិងក្រុមហ៊ុនរបស់អ្នក តាមរយៈការនិយាយ និងធ្វើយុទ្ធនាការលើបណ្ដាញសង្គមពង្រីកចំនួនអ្នកគាំទ្រអ្នកអោយលឿនតាមដែលអាចធ្វើទៅបាន។
“ការនិយាយ ឬបង្ហោះលើបណ្ដាញទំនាក់សង្គមដែលទាក់ទាញអ្នកគាំទ្រ នឹងនាំអតិថិជនមកអោយអ្នក។ ការសាងកេរ្ដិ៍គឺពិតជាសំខាន់សម្រាប់ជោគជ័យក្នុងជំនួញ”។ លោក Ovens និយាយ។
២៖ ប្រើបណ្ដាញរបស់អ្នកដើម្បីបង្កើតលុយ
យោងតាមលោក Ovens សហគ្រិន និងអ្នកចង់ក្លាយជាសហគ្រិនភាគច្រើនមានបណ្ដាញដ៏មានតម្លៃច្រើនរួចទៅហើយ គឺច្រើនលើសពីអ្វីដែលពួកគេដឹងមុនពេលចាប់ផ្ដើមជំនួញទីមួយរបស់ខ្លួន។
“ពេលអ្នកចាប់ផ្ដើមដំបូង កុំភ្លេចបណ្ដាញទំនាក់ទំនងមិត្តភ័ក្ដិ និងគ្រួសាររបស់អ្នក។ អ្នកអាចនឹងភ្ញាក់ផ្អើលចំពោះអតិថិជនដ៏មានសក្ដានុពលដែលអ្នកមានក្នុងដៃស្រាប់”។ លោក Ovens និយា។
៣៖ រៀនកុំឈប់
មិនថាករណីអ្វីទេ ពេលអ្នកបើកជំនួញថ្មី វានឹងមានរឿងជាច្រើនដែលត្រូវរៀន។
មិនចំពោះថាអ្នកគិតថាខ្លួនចេះច្បាស់ពីឧស្សាហកម្មដែលអ្នកជ្រើសរើសប៉ុណ្ណានោះទេ អ្នកតែងតែជួបនឹងបញ្ហាប្រឈមថ្មី ដូចជាឧស្សាហកម្មផ្លាស់ប្ដូរ ឬឧបសគ្គផ្សេងៗដែលអ្នកមិនធ្លាប់ហែលឆ្លង។
“ក្នុងយុគសម័យឌីជីថលនេះ សហគ្រិនណាក៏អាចបង្រៀនខ្លួនឯងបានដែរគឺគ្រប់រឿងទាំងអស់។ ខ្ញុំបានអានសៀវភៅរាប់រយក្បាល ហើយបង្រៀនខ្លួនឯងពីទីផ្សារ ការលក់ គណនេយ្យ យុទ្ធសាស្ត្រ សូម្បីការអភិវឌ្ឍខ្លួន។ ខ្ញុំដឹងថា ខ្ញុំត្រូវចេះរឿងទាំងអស់នេះប្រសិនបើខ្ញុំចង់ប្រឡូកក្នុងជំនួញនេះ”។ លោក Ovens និយាយ។
៤៖ កុំខ្វល់រឿងគេបដិសេធ
“អារម្មណ៍ខ្លាចគេបដិសេធគឺជាការភ័យខ្លាចដ៏ធំមួយពេលដែលខ្ញុំទើបតែចាប់ផ្ដើម”។ សហគ្រិនវ័យក្មេងរូបនេះនិយាយ។
លោកបន្តថា “ខ្ញុំប្រឈមជាមួយមនុស្សមិនស្គាល់មុខនិយាយប្រាប់គេពីជំនួញរបស់ខ្ញុំ ហើយបន្ទាប់មកព្យាយាមយល់អោយច្បាស់ថា ការបដិសេធគឺជារឿងជំនួញមិនមែនរឿងបុគ្គលទេ នោះគឺជាជំហានដ៏ប្រទាំងប្រទើសមួយក្នុងដំណើរឆ្ពោះទៅរកជោគជ័យនៅទីបំផុត”។
គន្លឹះមួយអ្នកដែលអ្នកនឹងយកទៅប្រើ? បើក៏សាងកេរ្ដិ៍ឈ្មោះដោយការធ្វើយុទ្ធនាការលើបណ្ដាញទំនាក់ទំនងសង្គមសូមកុំភ្លេច Tag អោយ The Phnom Penh Times ផង៕
ប្រភព៖ Entrepreneur
0 comments:
Post a Comment