កំពូល​អ្នក​មាន​វ័យ​ក្មេង​១០​នាក់​របស់​ពិភពលោក​ដែល​អ្នក​គួរ​ស្គាល់

មនុស្សយើងកើតមកមានសំណាងមិនដូចគ្នាទេ ខ្លះកើតមកក្នុងត្រកូលអ្នកមាន ខ្លះទៀតស្ទើរតែមិនមានលុយកាក់ដើម្បីរៀនសូត្រ។ ប៉ុន្តែអតីតកាលមិនមែនជាកត្តាកំណត់ជោគវាសនារបស់យើងឡើយ។ យើងសាកល្បងមើលមុខមាត់និងទំហំទ្រព្យសម្បត្តិអ្នកមានវ័យក្មេង១០នាក់ ហើយសង្កេតរកមើលថាតើពួកគេក្លាយជាមហាសេដ្ឋីដោយរបៀបណា ៖

10. Thomas Persson

អាយុ ៣១ឆ្នាំ

ក្រុមហ៊ុន Hennes & Mauritz (H&M)

ទ្រព្យសម្បត្តិ ២.៤ពាន់លានដុល្លារ

មហាសេដ្ឋីវ័យក្មេងជនជាតិស៊ុយអែតរូបនេះកើតមកក្នុងត្រកូលអ្នកមានតែម្តង ដូច្នេះនេះជាសំណាងមួយ តែគេក៏មានចំណែកក្នុងការប្រឹងប្រែងរក្សាសំណាងនោះដែរ។

9. Joe Gebbia

អាយុ ៣៥ឆ្នាំ

ក្រុមហ៊ុន Airbnb

ទ្រព្យសម្បត្តិ ៣.៣ពាន់លានដុល្លារ

ភាពមានបានរបស់មហាសេដ្ឋីរូបនេះកើតចេញពីកម្លាំងប្រឹងប្រែងរបស់គេសុទ្ធសាធ។ ក្រុមពេលរៀនចប់គេរកការងារបានធ្វើនៅក្នុងកន្លែងលក់សៀវភៅមួយ ហើយរកបានដៃគូរសហការផ្តើមបង្កើតមុខជំនួញដោយខ្លួនឯងក្នុងឆ្នាំ២០០៧។

 

8. Brian Chesky

អាយុ ៣៥ឆ្នាំ

ក្រុមហ៊ុន Airbnb

ទ្រព្យសម្បត្តិ ៣.៣ពាន់លានដុល្លារ

កើតនៅក្នុងគ្រួសារមិនសូវមានទ្រព្យ លោក Brian Chesky បានទៅរៀននិងធ្វើការឱ្យគេដើម្បីចិញ្ចឹមជីវិត។ ក្រោយពេលរៀនចប់ លោក Brian Chesky រកការងារតាមជំនាញដែលមាន និងស្នាក់នៅបន្ទប់ជួល។ ប៉ុន្តែអ្វីៗផ្លាស់ប្តូរនៅឆ្នាំ២០០៧ ក្រោយពេលសហការជាមួយមិត្តរួមបន្ទប់ជួលបង្កើតអាជីវកម្មផ្ទាល់ខ្លួន។

 

7. Nathan Blecharczyk

អាយុ ៣៣ឆ្នាំ

ក្រុមហ៊ុន Airbnb

ទ្រព្បសម្បត្តិ ៣.៣ពាន់លានដុល្លារ

មុនពេលចូលរួមជាមួយក្រុមហ៊ុនAirbnbលោកបានបង្កើតមុខជំនួញមួយក្នុងទីផ្សារអ៊ីនថឺណិតនិងមានអតិថិជនប្រហែល២០ប្រទេសរួចជាស្រេចទៅហើយ។  ប៉ុន្តែក្រោយពេលចាប់ដៃគូរជាមួយនឹងសហគ្រិនវ័យក្មេងដូចគ្នាពីរនាក់ទៀត លុយកាក់ពួកគេក៏ហូរចូលដូចទឹកបាក់ទំនប់។

 

6. Elizabeth Holmes

អាយុ ៣២ឆ្នាំ

ក្រុមហ៊ុន Theranos

ទ្រព្យសម្បត្តិ ៣.៦ពាន់លានដុល្លារ

Elizabeth​ Holmes​ សម្រេចចិត្ត​បោះបង់​ការសិក្សា​នៅកម្រិតមហាវិទ្យា​ក្នុង​វ័យ១៩​ឆ្នាំ​ដើម្បីទៅ​ចាប់ផ្តើម​ផ្សងព្រេង​ក្នុងជីវិត​ជាសហគ្រិន​ដោយ​ប្រើប្រាស់​

លុយកាក់​សន្សំ​បន្តិច​បន្តួចដែល​ឪពុកម្តាយទុក​ឱ្យរៀន។​ ទោះជា​មានឧបសគ្គខ្លះៗ​នៅពេលចាប់ផ្តើម​ ក៏គេ​អាចនិយាយ​បានថាទទួលបាន​ជោគជ័យ​ហើយព្រោះពេល​នេះក្រុមហ៊ុន​ដែលនាង​បង្កើត​ឡើងមាន​តម្លៃមិនតិច​ជា១០លាន​ដុល្លារទេ។

 

5. Scott Duncan

អាយុ ៣២ឆ្នាំ

ក្រុមហ៊ុន Enterprise Product Partners

ទ្រព្យសម្បត្តិ ៥.៣ពាន់លានដុល្លារ

លោកជាមហាសេដ្ឋីវ័យក្មេងមួយរូបដែលបានទទួលមត៌កពីឪពុក។ សំណាងនេះអាចចាត់ទុកថាជារឿងកម្រមួយសម្រាប់មនុស្សដែលចាំបាច់ចាប់ផ្តើមពីដៃទទេ ប៉ុន្តែគេក៏ត្រូវការទេពកោសល្យនិងភាពវៃឆ្លាតដៃដើម្បីបន្តឈរនៅក្នុងលំដាប់មហាសេដ្ឋី។

 

4. Eduardo Saverin

អាយុ ៣៤ឆ្នាំ

ក្រុមហ៊ុន 99.co

ទ្រព្យសម្បត្តិ ៧.៥ពាន់លានដុល្លារ

លោក Eduardo Saverin កើតនៅប្រទេសប្រេស៊ីល ហើយបានស្គាល់គ្នាជាមួយលោក Mark Zuckerberg នៅពេលចាប់ផ្តើមរៀនក្នុងសកលវិទ្យាល័យ Harvard ហើយក៏ក្លាយជាកល្យាណមិត្តនឹងគ្នា រួចក៏ក្លាយជាសហស្ថាបិនក្រុមហ៊ុនFacebook។

 

3. Yang Huiyan

អាយុ ៣៤ឆ្នាំ

ក្រុមហ៊ុន Country Garden Holdings

ទ្រព្យសម្បត្តិ ៦.៧ពាន់លានដុល្លារ

មហាសេដ្ឋីនីដើមកំណើតចិនម្នាក់នេះទទួលបានមត៌កយ៉ាងច្រើនពីក្រុមហ៊ុនអចនវត្ថុរបស់ឪពុក។ បច្ចុប្បន្ននេះ គេអាចនិយាយបានថា លោកស្រី Yang Huiyan ជាកំពូលមហាសេដ្ឋីនីក្នុងទ្វីបអាស៊ីនេះ។

 

2. Dustin Moskovitz

អាយុ ៣២ឆ្នាំ

ក្រុមហ៊ុន Asana

ទ្រព្យសម្បត្តិ ១០.៩ពាន់លានដុល្លារ

លោក Dustin Moskovitz ធ្លាប់ជាមិត្តរួមបន្ទប់នៅអន្តេវាសិកដ្ឋាននៃសកលវិទ្យាល័យ Harvard ជាមួយនឹងលោក Mark Zuckerberg ហើយក៏ជាសហស្ថាបនិកមួយរូបនៃក្រុមហ៊ុនFacebook។ ទោះជាយ៉ាងណា ក្រោយមក លោក Dustin Moskovitz ទៅបង្កើតក្រុមហ៊ុនAsana។

 

1. Mark Zuckerberg

អាយុ ៣២ឆ្នាំ

ក្រុមហ៊ុន Facebook

ទ្រព្យសម្បត្តិ ៥៤.៥ពាន់លានដុល្លារ

លោក Mark Zuckerberg បានបង្កើត“thefacebook.com”ពីក្នុងបន្ទប់អន្តេវាសិកដ្ឋាននៃសកលវិទ្យាល័យ Harvard នៅថ្ងៃទី៤កុម្ភៈ ២០០៤។ ពេលនោះគេទើបតែមានអាយុ១៩ឆ្នាំប៉ុណ្ណោះ។

ប្រភព Entrepreneur