នៅពេលលោកអ្នកមានអារម្មណ៍កំពុងតែសង្ស័យលើការគិត ឬការសម្រេចចិត្តរបស់ខ្លួនឯង សូមរកពេលវេលាស្ងប់ស្ងាត់នៅតែម្នាក់ឯងដើម្បីពិចារណារកមូលហេតុ។ ប្រតិកម្មរបស់លោកអ្នកចំពោះស្ថានការណ៍មិនល្អអាចនឹងរារាំងឬជំរុញលោកអ្នកទៅរកជោគជ័យ។ ពេលស្ថិតនៅក្នុងកាលៈទេសៈបែបនេះ ត្រូវរក្សាចិត្តឱ្យនឹង ហើយគិតឱ្យបានល្អិតល្អន់ដោយធ្វើតាមការណែនាំដូចខាងក្រោមនេះ៖
លើកយកបញ្ហាមកតម្រៀបជាថ្មីឡើងវិញ
បច្ចេកទេសតម្រៀបបញ្ហាជាថ្មីអាចមានប្រយោជន៍ច្រើនក្នុងការដោះស្រាយស្ថានភាពពិបាកៗ។ ជំហានដំបូងគឺលោកអ្នកត្រូវស្វែងរកមើលមូលហេតុដើមនៃបញ្ហា។ នៅពេលស្គាល់មូលហេតុជាក់ច្បាស់ហើយ វាងាយស្រួលទេក្នុងការរកដំណោះស្រាយនោះ។ គេអាចចាប់ផ្តើមដោះស្រាយបញ្ហាដែលមានមូលហេតុជាក់ច្បាស់តាមរយៈការចោទសួរថាចុះវាទៅជាយ៉ាងណាប្រសិនបើ...។ ពេលសួរសំណួរមួយនេះជាច្រើនលើកច្រើនសារ លោកអ្នកនឹងរកឃើញមធ្យោបាយប្រសើរឡើងជាក់ជាមិនខាន។
ដើម្បីធ្វើបែបនេះបាន លោកអ្នកក៏គួរតែព្យាយាមចាកចេញពីគំនិតអវិជ្ជមានទាំងអស់ទៅរកគំនិតវិជ្ជមានវិញម្តង។ ការផ្លាស់ប្តូរឥរិយាបថអាចនាំឱ្យមានភាពខុសគ្នាយ៉ាងច្រើនក្នុងការទទួលយកឱកាសដែលកើតឡើងស្ទើររាល់ថ្ងៃ។
គន្លឹះងាយៗគួរចងចាំ ៖
-ពេលមានបញ្ហាអវិជ្ជមានកើតឡើង ត្រូវសម្រាកហើយគិតរកមូលហេតុ
-សម្រេចចិត្តថាតើត្រូវតែផ្តាស់ប្តូរអ្វីម្យ៉ាង ឬយ៉ាងណា បើចាំបាច់ត្រូវមានការផ្លាស់ប្តូរ ត្រូវសម្រេចចិត្តថា តើជាការផ្លាស់ប្តូរធំ ឬតូច
-បង្កើតបញ្ជីកត់ត្រាអ្វីៗដែលត្រូវកែតម្រូវ
-បង្កើតអាទិភាពចំណុចដែលត្រូវកែតម្រូវទៅតាមតម្រូវការ
-បញ្ចូលថាមពលទៅក្នុងមុខជំនួញតាមរយៈទំនាក់ទំនង
ប្រភព ៖ Entrepreneur
0 comments:
Post a Comment