មិនខ្វល់ថាគោលដៅក្នុងជីវិតលោកអ្នកជាអ្វីនោះទេ លោកអ្នកត្រូវតែមានភាពស្មោះត្រង់ដើម្បីវិភាគខ្លួនឯង និងកំណត់ទីតាំងបច្ចុប្បន្នឱ្យបានច្បាស់លាស់។ ពេលស្គាល់ចំណុចខ្លាំង និងចំណុចខ្សោយច្បាស់ហើយ លោកអ្នកនឹងដឹងថាត្រូវផ្តោតអភិវឌ្ឍលើចំណុចណាដើម្បីទៅឱ្យដល់គោលដៅ។ ខាងក្រោមនេះជាជំហានទាំង៤ដែលនឹងជួយឱ្យលោកអ្នកផ្តោតពេលវេលា និងថាមពលដើម្បីឈានទៅដល់គោលដៅក្នុងជីវិត៖
១/ ស្គាល់ខ្លួនឯងឱ្យបានច្រើន
ប្រសិនបើលោកអ្នកមិនស្គាល់ខ្លួនឯងទេ លោកអ្នកគួរតែចេះសាកសួរយោបល់អ្នកនៅជុំវិញខ្លួនព្រោះគេអាចស្គាល់លោកអ្នកបានច្បាស់។ ប៉ុន្តែសូមត្រៀមចិត្តជាស្រេចដើម្បីទទួលស្គាប់ទាំងចំណុចល្អ និងចំណុចអាក្រក់។ ការស្តាប់អ្នកដទៃដោយយកចិត្តទុកដាក់នឹងធ្វើឱ្យលោកអ្នកស្គាល់ខ្លួនឯងបានច្រើនជាងការស្វែងយល់ និងឱ្យតម្លៃដោយខ្លួនឯង។
២/ រៀនប្រើប្រាស់ចំណុចខ្លាំង
ពេលលោកអ្នករកឃើញចំណុចខ្លាំងរបស់ខ្លួនឯងហើយ សូមកត់ត្រាទុកហើយរកនឹករបៀបប្រើប្រាស់ចំណុចខ្លាំងទាំងនោះដើម្បីសម្រេចគោលដៅ។ ចំណុចខ្លាំង និងទេពកោសល្យធម្មជាតិរបស់លោកអ្នកនឹងប្រាប់លោកអ្នកនូវផ្លូវដែលត្រូវដើរ ចំណែកចំណុចខ្សោយរបស់លោកអ្នកនឹងជួយចង្អុលបង្ហាញផ្លូវដែលត្រូវជៀសវាង។
៣/ គោរពចំណុចខ្សោយខ្លួនឯង
គោរពចំណុចខ្សោយដែលខ្លួនឯងមាន ប៉ុន្តែមិនត្រូវចំណាយពេលអណ្តែតអណ្តូងក្នុងចំណុចខ្សោយទាំងនោះទេ។ មនុស្សម្នាក់ៗមានចំណុចខ្សោយច្រើនណាស់ ប៉ុន្តែលោកអ្នកមិនត្រូវគិតតែពីផ្តោតចិត្ត និងពេលវេលាលើចំណុចខ្សោយទាំងនោះឡើយ។ ផ្ទុយទៅវិញលោកអ្នកគួរតែផ្តោតលើចំណុចខ្លាំង និងឱកាសដែលនៅចំពោះមុខ។
៤/ មិនត្រូវងាករេចេញពីគោលដៅ
ប្រសិនបើលោកអ្នកអាចប្រើប្រាស់ចំណុចខ្លាំង និងគោរពចំណុចខ្សោយខ្លួនឯង លោកអ្នកនឹងមានទំនុកចិត្តដើម្បីទទួលជ័យជម្នះលើគ្រប់ស្ថានការទាំងអស់។ ឧទាហរណ៍ជាក់ស្តែងក្នុងការសន្ទនាជាមួយមនុស្សប្រចាំថ្ងៃ បើគេនិយាយចំណុចដែលលោកអ្នកចេះច្បាស់ហើយ លោកអ្នកមិនត្រូវស្ទាក់ស្ទើរក្នុងការចូលរួមចែករំលែកចំណេះដឹង គំនិត និងយោបល់របស់លោកអ្នកទេ ប៉ុន្តែបើគេនិយាយរឿងខុសប្រធានបទដែលោកអ្នកចេះ មិនគួរប្រថុយចូលរួមយោបល់ទាំងមិនដឹងខ្យល់អ្វីនោះទេ៕
ប្រភព ៖ Success Magazine
0 comments:
Post a Comment