មនុស្សភាគច្រើនគិតថា ការក្លាយទៅជាអ្នកមានក្នុងវ័យម្ភៃឆ្នាំ ឬក្លាយទៅជាសេដ្ឋីមុនអាយុសាមសិបដោយសមត្ថភាពផ្ទាល់ខ្លួន ហាក់ដូចជារឿងមួយមិនគួរអោយជឿ ព្រោះថាមានមនុស្សជាច្រើនបានចំណាយពេលស្ទើរតែមួយជិវិតទៅហើយ នៅមិនទាន់ក្លាយទៅជាសេដ្ឋីផង។ ប៉ុន្តែទោះបីជាយ៉ាងណា ក៏មានមនុស្សមួយចំនួនបានធ្វើរឿងនេះអោយក្លាយទៅជាការពិតរួចទៅហើយ។
ថ្ងៃនេះ យើងសូមណែនាំលោកអ្នកអោយស្គាល់បុគ្គលជោគជ័យម្នាក់ គឺលោក Grant Cardone ជាមនុស្សម្នាក់ដែលប្រែក្លាយខ្លួនពីនិស្សិតក្រីក្រ ទៅជាសេដ្ឋីមុនពេលដែលគាត់ឈានចូលវ័យសាមសិបឆ្នាំ។
លោក Grant បាននិយាយថា ថ្វីត្បិតតែការក្លាយទៅជាសេដ្ឋីមុនអាយុសាមសិបឆ្នាំ ស្តាប់ទៅដូចជាមិនអាចទៅរួច ប៉ុន្តែវាបានក្លាយទៅជាការពិតរួចទៅហើយសំរាប់លោក “នៅក្នុងពេលដែលខ្ញុំមានអាយុ២១ឆ្នាំ ខ្ញុំគ្រាន់តែជានិស្សិតក្រៅសាលាម្នាក់ដែលគ្មានប្រាក់មួយសេន ហើយជាប់បំណុលទៀត តែមុនពេលដែលខ្ញុំចូលដល់វ័យ៣០ ខ្ញុំបានក្លាយទៅជាសេដ្ឋី”។
ជាការចែករំលែកបទពិសោធន៍ លោក Grant បានណែនាំ១០ចំនុចដូចខាងក្រោម ដែលអ្នកអាចធ្វើតាម ដើម្បីសម្រេចក្ដីស្រមៃក្នុងការក្លាយខ្លួនជាសេដ្ឋីវ័យក្មេង។៖
១. រត់តាមលុយ
ជំហានដំបូងគឺផ្តោតអារម្មណ៍ទៅលើការបង្កើនប្រាក់ចំណូលរបស់អ្នកទ្វេដង។ ឧទាហរណ៍ ប្រសិនបើអ្នកអាចរកបានចំណូលជាប្រចាំ៥០០ដុល្លាក្នុងមួយខែ ដូច្នេះចូរខំប្រឹងបន្ថែម និងសន្មតថាអ្នកនឹងមានចំណូលប្រចាំខែ១៥00ដុល្លារ ក្នុងរយៈពេលបីឆ្នាំក្រោយ។ សូមចាប់ផ្តើមយកចិត្តទុកដាក់រឿងលុយ កាធ្វើបែបនេះ វានឹងបង្ខំអ្នកអោយចេះគ្រប់គ្រងចំណូលខ្លួនឯង និងចាប់យកឱកាសល្អៗជាច្រើន។
២. កុំអួតអាង តែត្រូវចេះបង្ហាញខ្លួន
លោក Grant បាននិយាយថា “ខ្ញុំមិនទិញនាឡិកាថ្លៃៗ ឬរថយន្តទំនើបនោះទេ រហូតដល់ខ្ញុំមានទំនុកចិត្តថា មុខជំនួញរបស់ខ្ញុំ អាចបង្កើតនូវចំណូលទ្វេដង និងមានស្ថេរភាព។ ខ្ញុំនៅបើករថយន្តតូយូតាកាមេរីនៅឡើយទេ នៅពេលដែលខ្ញុំទើបនឹងក្លាយទៅជាសេដ្ឋី។”
សូមធ្វើអោយគេស្គាល់អ្នកដោយសារក្រមសីលធម៌របស់អ្នក មិនមែនសម្ភារៈដែលអ្នកទិញនោះទេ។
៣. សន្សំដើម្បីវិនិយោគ កុំសន្សំដើម្បីសន្សំ
ហេតុផលតែមួយ ដើម្បីសន្សំប្រាក់ គឺដើម្បីធ្វើវិនិយោគ។ ដាក់ប្រាក់របស់អ្នកនៅកន្លែងដែលមានសុវត្តិភាព និងហាមប៉ះពាល់វា មិនថាអ្នកស្ថិតក្នុងពេលអាសន្នបែបណាក៏ដោយ។ ធ្វើបែបនេះ ជាការដាក់សម្ពាធខ្លួនអ្នក អោយអនុវត្តជំហានទីមួយ (បង្កើនចំណូល) បានជោគជ័យ។
៤. ជៀសអោយឆ្ងាយពីបំណុលដែលមិនផ្តល់ចំណូលអោយអ្នក
ដាក់វិន័យអោយខ្លួនឯងថា អ្នកនឹងមិនប្រើបំណុលណាដែលមិនអាចបង្កើតប្រាក់អោយអ្នកបាន។ កុំខ្ជីប្រាក់គេមក ដើម្បីតែប្រើប្រាស់ដោយគ្មានគោលដៅ។ ចូរចាំថាអ្នកមានជាប់បំណុលគេដើម្បីពង្រីកមុខជំនួញ និងបង្កើនលំហូរសាច់ប្រាក់របស់គេតែប៉ុណ្ណោះ រីឯអ្នកក្រវិញ ជាប់បំណុលដើម្បីទិញរបស់ដែលធ្វើអោយអ្នកមើលមកថាខ្លួនជាអ្នកមាន។
៥. ចាត់ទុកលុយដូចជាសង្សារ
មនុស្សរាប់លាននាក់ប្រាថ្នាចង់បានសេរីភាពខាងហរិញ្ញវត្ថុ ប៉ុន្តែមានតែអ្នកដែលយកចិត្តទុកដាក់ និងចាត់ទុករឿងនេះជាអាទិភាពប៉ុណ្ណោះ ដែលអាចធ្វើបាន។ ដើម្បីក្លាយខ្លួនទៅជាអ្នកមាន ហើយនៅតែមាន អ្នកត្រូវតែអោយអាទិភាពខ្ពស់ទៅលើការតាំងចិត្តរបស់អ្នក។ លុយប្រៀបបាននឹងគូស្នេហ៍ដែលកំពុងប្រចណ័្ឌ បើសិនជាអ្នកព្រងើយកន្តើយនឹងវា វានឹងព្រងើយកន្តើយដាក់អ្នកវិញ ឬក៏កាន់តែអាក្រក់នោះ គឺវានឹងរត់ទៅរកអ្នកដែលអោយតម្លៃ និងចាត់ទុកវាជាអាទិភាព។
៦. លុយមិនដែលដេកទេ
លុយមិនដែលស្គាល់ពេលវេលា កាលវិភាគ ឬថ្ងៃសម្រាកនោះទេ ហើយអ្នកក៏គួរតែអញ្ចឹងដែរ។ លុយស្រលាញ់មនុស្សដែលមានសីលធម៌ល្អក្នុងខ្លួន។ សូមកុំព្យាយាមធ្វើជាមនុស្សដែលឆ្លាតបំផុត ឬសំណាងបំផុត ចូរធ្វើខ្លួនអោយប្រាកដថាអ្នកបំពេញការងាររបស់ខ្លូនឯងអោយបានរួចរាល់មុនពេលដែលអ្នកចេញពីធ្វើការ។
៧. កុំនិយាយថា “មិនអីទេ” ចំពោះភាពក្រីក្រ
ចូរកម្ចាត់ចោលរាល់គំនិតដែលគិតថាភាពក្រីក្រជារឿងធម្មតា! លោក Bill Gates បាននិយាយថា “ប្រសិនបើអ្នកកើតមកជាអ្នកក្រ វាមិនមែនជាកំហុសរបស់អ្នកទេ តែបើអ្នកស្លាប់ទៅជាអ្នកក្រ ប្រាកដណាស់ វាជាកំហុសរបស់អ្នក” ហើយអ្វីដែលគាត់និយាយពិតជាត្រឹមត្រូវណាស់។
៨. ស្វែងរកគ្រូបង្វិក ឬអ្នកណែនាំដែលជាអ្នកមាន
ភាគច្រើន នៅពេលដែលយើងកើតក្នុងគ្រួសារថ្នាក់កណ្តាល ឬគ្រួសារអ្នកក្រ យើងតែងតែស្ថិតនៅជុំវិញមនុស្សដែលមានការគិតប្រហាក់ប្រហែលគ្នា ឬអាចនិយាយថាការគិតរបស់យើងនៅមានកំរិត។ គួរស្វែងរក និងជ្រើសរើសបុគ្គលជោគជ័យណាម្នាក់ធ្វើជាគ្រូបង្ហាត់បង្ហាញ ឬជាអ្នកណែនាំ ហើយរៀនសូត្រពីពួកគេ។ អ្នកមានពិតប្រាកដ ភាគច្រើនជាមនុស្សដែលមានសណ្តានចិត្តល្អក្នុងការចែករំលែកចំណេះដឹងរបស់ពួកគេទៅកាន់អ្នក។
៩. ប្រើលុយអោយធ្វើការធ្ងន់ជំនួសអ្នក
៩. ប្រើលុយអោយធ្វើការធ្ងន់ជំនួសអ្នក
វិនិយោគទុន គឺជារឿងមួយដែលមនុស្សជាច្រើនចង់ធ្វើ តែវាមិនមែនជារឿងងាយស្រួលនោះទេ សំរាប់អ្នកដែលចង់ធ្វើជាសេដ្ឋី ហើយអ្នកគួរតែរកលុយអោយបានច្រើនពីការវិនិយោគ ជាជាងពីការធ្វើការរបស់អ្នក។ ប្រសិនបើអ្នកមិនមានលុយសល់ទេ អ្នកប្រហែលជាមិនធ្វើការវិនិយោគឡើយ។ ប៉ុន្តែនៅពេលដែលអ្នកចំណាយប្រាក់ទៅលើការវិនិយោគមួយដ៏ត្រឹមត្រូវ វារមែងតែងតែផ្តល់នូវប្រាក់ចំនេញអោយអ្នកទ្វេដង និងរយៈពេលវែង។ ការដាក់វិនិយោគទុន គឺជាហេតុផលតែមួយដើម្បីឈានទៅជំហានបន្ទាប់ ហើយប្រាក់របស់អ្នក នឹងធ្វើការធ្ងន់ៗជំនួសអ្នក។
១០. ឈោងចាប់យកប្រាក់ ១០លាន! មិនមែន១លាននោះទេ
កំហុសផ្អែកហិរញ្ញវត្ថុភាគច្រើនដែលយើងបានធ្វើ គឺមិនបានគិតអ្វីអោយធំដុំ។ នៅក្នុងពិភពលោកនេះ លុយមានមិនខ្វះនោះទេ ខ្វះតែមនុស្សដែលគិតធំ។ មានសុភាសិតមួយបាននិយាយថា “ចូរឈោងចាប់យកព្រះច័ន្ទ ប្រសិនបើអ្នកធ្លាក់ យ៉ាងហើចណាស់អ្នកនឹងចាប់បានផ្កាយ”។
The Phnom Penh Times សង្ឃឹមថា ការចែករំលែករបស់លោក Grant Cardone នឹងអាចជួយជាកម្លាំងចិត្ត និងគន្លឹះសម្រាប់ប្រិយមិត្តអ្នកអានដែលកំពុងមានប្រាថ្នាធំក្លាយជាកំពូលអ្នកមានទ្រព្យនៅកម្ពុជា ហើយក៏សង្ឃឹមថាដំណើររបស់អ្នកនឹងបានជោគជ័យ។
យើងខ្ញុំរង់ចាំស្ដាប់យោបល់ និងអ្វីដែលអ្នកចង់អោយមានផ្សាយលើគេហទំព័ររបស់យើងខ្ញុំ!
ប្រភព៖ entrepreneur
ថ្ងៃល្អ ,
ReplyDeleteតើអ្នកកំពុងស្វែងរកប្រាក់កម្ចីស្វែងរកប្រាក់កម្ចីសាជីវកម្មផ្ទាល់ខ្លួន
កម្ចី, កម្ចីទិញផ្ទះ, ឥណទានរថយន្ត, ឥណទាននិស្សិត, ឥណទានរួម,
ប្រាក់កម្ចីគ្មានប្រាក់កម្ចីដើមទុនបណ្តាក់ទុនជាដើម។ តើអ្នកមានប្រាក់កម្ចីពីធនាគារឬហិរញ្ញវត្ថុ
ការបដិសេធចំពោះមូលហេតុមួយឬច្រើន។ អ្នកស្ថិតនៅកន្លែងដែលត្រឹមត្រូវដើម្បីទទួលបាន
ដំណោះស្រាយប្រាក់កម្ចី! ខ្ញុំជាអ្នកផ្តល់ប្រាក់ឯកជនខ្ញុំផ្តល់ប្រាក់កម្ចីដល់ក្រុមហ៊ុននិង
បុគ្គលដែលមានអត្រាការប្រាក់ទាបនិងអត្រាការប្រាក់ទាប 2% ។
ទាក់ទងមកយើងខ្ញុំតាមអ៊ីម៉ែល: albakerloanfirm@gmail.com